Batulicin City


Hari ini rahatan mambuka pisbuk (facebook), ta’itihi gambar nang dipasang ulih kawan di alam gaib (maksudnya alam maya). Gambar nintu sabujurnya biasa haja, lamun sabab ada hubungannya wan kampung saurang, aku jadi kapingin jua ma’udak labih jauh.

Gambar tulisan nintu parahatan di’ulah di taman di Batulicin kada jauh matan SPBU, tulisannya “Batulicin City”. Hibat wan harat banar amun mambaca tulisan nintu, rasa ta’ambung pangrasa kaya bagana di kuta ganal nang kaya Jakarta.

Batulicin City, amun diarti akan sama wan Kuta Batulicin, kuta ganal, jaka basa Indunisia itu kuta mitrupulitan. Tapi pulang parasa saurang Batulicin naya balum sabarapa ganal. Amun ditanding wan Banjarbaru, Martapura atawa Kandangan, masih balum sabanding, alahan lagi amun ditanding wan Banjarmasin. Katiga kuta kabupatin nintu haja asa’an balum patut disambat “city”.

Panasaran aku di’ulah tulusan nintu. Ku cari di kamus basa Inggris nangapa sabujurnya pangartian city. Tadapat, manurut kamus Free Dictionary; kata city nintu ba’isi pangartian pusat urang banyak, pusat dagang wan budaya. Amun dalam basa Yunani kunu (ancient Greek), city nintu pangartiannya sama wan nagari atawa nagara. Nah, kawa haja kalu saurang mambayang akan kaya apa ganalnya nagari atawa nagara.

Kada pang baparagah pananahunya wan urusan basa, amun kada nyaman banar haja tulisan nintu jadi tatiringan urang banyak. Andakan tulisan nang cukupan ganal nintu maka di pinggir kartak pulang. Amun tatiring wan tabaca urang pintar, bisa-bisa ada nang mamadah akan bubuhan Batulicin atawa Tanah Bumbu naya kada tahu dibasa.

Parasaku nang baluman pintar naya, kata city untuk manyambat kuta gasan Batulicin; balum patut. Nang sakira patut itu amun kada patut banar jua; kata “town”, atawa kuta halus.

Mustinya sabaluman ma’ulah tulisan nintu, bubuhan nang ba’isi kawinangan nang kaya Dinas Tata Kuta wan Partamanan, mambuka kamus, batakun wan urang nang bujur-bujur ahli basa. Itu basa urang luar ba’untung ai lainan basa banua saurang. Jangan manyalah akan urang bila kaina ada nang mahapak tulisan nintu.

Mudahan haja pang bubuhan nang manyuruh ma’ulah tulisan Batulicin City nintu lakas sadar (amun kada siup), lakas mangganti tulisan wan nang bujur-bujur sasuai wan patut kada manyanyalahi aturan basa urang. Amun kada jua, bisa ada yang mamadah akan bungul wan tambuk-tambuknya.

20131225-164701.jpg

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s